اااااااااااه يا فلسطين

فلسطين المنكوبِة أشرف بقعة محبوبة
في جهاد الاستعمار رفعت راس العروبة
*
أمّ الدنيا القديمة بلادي الرُسُل بَنَتْها
إِلْها في العالم قيمِةْ كُتْبِ السّما بْتِثْبِتها
بريطانيا الملعونِة للصهيوني باعتها
بيت الربّْ صار غْنيمِة شو هالدنيا المقلوبِة!
*
هذا الوطن الصابر مهدِ المحبّة والسلام
مهد المسيح الناصر وأول قِبلِة للإسلام
مهد المسيح الطاهر مهد الأنبيا الكرام
صارت دار المخاطر مع هالدولة المندوبِة
*
يا ما احلى جيش الثوار لما يقوم بهجماتُو
ذبّح جيش الاستعمار وْأَخَذِ سْلاحو وْآلاتو
الثائر يِهجِمْ عالنار وما بسأل عن حياتو
يحيا الشبابِ الأحرار والبواردْ ملهوبِة
*
(ب)
صهيوني إرحل عنّا هذا الوطن وطنّا
ما ظنّي رح تتهنّا في أراضي فلسطين
*
يا صهيوني يا غشّاش في بْلادنا مالَك معاش
قصْدك تِتْملّك بلاشْ في وَطنَا يا لعين
*
فلسطين لا تذِلّي ورْجالِك ما بِتْولّي
والأقصى عم بِيهَلّي في شبابك يا فلسطين
*
وْعِنْدَك سعيد العاص راعي الهمّة والحماسْ[6]
إرجالو تُضرُبِ رْصاص في جيوش الكافرين
*
سعيد القائد المغوار ما يْهابِ إطلاق النار
نادوا إخواني الثوارْ يالله هجمة عالكافرين
*
(ج)
كنيسة المهد من كان بِيكِِ حدا طمعانْ حولك يلاقي النصارى مع مسلمينا
يوم الكريهة أسود ما يقبلوا الخذلان تأبى الضيم، العرب تحمي الميادينا
وأن كان (بلفور) يجهل قيمة الأوطان إحنا بارواحنا نفدي أراضينا
يا صخرة القدس كوني في رضا وأمان إذا هجرناكِ للرحمانْ إشكينا
حولك بواسل باللقاء شجعان يسقون أعداكِ زقّوماً وغسلينا
*
(د)


قولوا معي يا أحرار مِنِ كْبار وْمِنِ زْغار
تِحيى الأمة العربية وألله يحيّي هالأبطال
*
رجال أقسموا اليمينْ يضحّوا بالغالي والثمينْ
في سبيل فلسطين مهما صادفهم أخطارْ
*
رجال كلهم أبطال وفيهم نترجّى الامال
ياما قضّوا بالجبال ربّي تعينهم يا ستّار
*
روّعوا المستعمرين وأعطوهم درس ثمين
ولازم تفوز فلسطين وتحوز انشالله الانتصار